eddulingur

Í tilefni þess að ég er að fara út eftir 16 daga þá er ég búin að skipta um blogg og ímeil, sem mun einnig vera MSN ímeilið mitt, sem ég ætla að nota úti. hér finniði það...


blogg: http://eddaitali.blogspot.com

e-mail: eddaitali@hotmail.com

hér með segi ég þessu bloggi lokað næstu 10 mánuðina og ég ætla að biðja ykkur um að vera dugleg að senda mér e-mail á meðan ég er úti, en svo er náttúrulega enn betra að fá bréf með venjulegum pósti og heimilisfangið mitt er að finna á nýju blogg síðunni :)

Grazie bene, ciao tutti!!! :)

Mig langaði að setja inn nokkrar myndir af bænum mínum.. hér sjáiði þær:) :

















Hér koma nokkrar myndir frá hinu fræga karnivali Ivreabæjar, Appelsínu slagsmálin!

jæja.. ætli maður verði ekki að blogga eikkað, búin að fá skammir fyrir bloggletina. hef reyndar ekkert að blogga um.

Ég efast um að það hafi farið framhjá neinum að það sé hitabylgja hér á fróni sem er bara frábært!! Veðrið er yndislegt og Íslendingar verða svo glaðir og kátir í sólinni! Sólin á víst líka að hafa einhver sálræn áhrif á fólk svo það verður glatt sem útskýrir hvað allir sunnar í heiminum eru opnir og skemmtilegir á meðan Íslendingar eru lokaðir og feimnir! Í svona yndislegu veðri er ég mjög þakklát fyrir vinnuna mína og ég er komin með þvílíkt hlýrabolafar á bakið og orðin kaffibrún á bakinu eins og mamma mín orðaði það og svo brann ég á bringunni og fékk far eftir krossinn minn :/ ég hef alrei orðið svona brún áður og öll þessi brúnka kom bara á Íslandi!! mér finnst þetta mjög sniðugt því ég hef alltaf haldið því fram að ég gæti ekki oðrið brún. ég á svo örugglega eftir að koma heim frá Ítalíu eins og svertingi! ;) talandi um Ítalíu þá eru 19 dagar þangað til ég fer og svo er ítalska fótboltalandsliðið að koma hingað til Íslands og ég auglýsi hér með eftir einhverjum til þess að fara með mér!!! Systir mín átti svo afmæli í gær! varð 23 ára :) ítalska systir mín sko.. :P Familían á að koma heim úr ferðalaginu á morgun svo þá fer að styttast í langa bréfið frá mömmu sem danski skiptineminn lofaði mér :P en já, fleiri fréttir. ég fékk e-mail frá manneskjunni sem er yfir AFS á svæðinu sem ég verð á og þar stóð að það munu vera 6 skiptinemar þarna. Ég og krakkar frá Ungverjalandi, USA, Noregi, Japan og Hong Kong! Þetta hljómar spennandi, en enginn er frá S-Americu :( Til að halda áfram að tala um AFS þá erum við allar sem eru að fara til Ítalíu búnar að fá familíu! En ég er sú eina sem er á Norðvestur Ítalíu :(
ég ætla að láta þetta gott heita í bili og fara að heimsækja hana Írisi..

Ciao tutti!

Edda Ósk :)

Síðasta kvöld endaði svo á því að við vorum stoppaðar af löggunni sem spurði okkur hvort við höfðum unnið 40 milljónir í lottóinu, en sleppti okkur við sekt. Síðan komu týndir Ítalar sem fundu ekki hótelið sitt og spurðu okkur til vegar og það var ákveðið að keyra bara á undan þeim og þeir eltu. þeir voru rosa næs og sögðu að við værum svo góðar og töluðu náttla flotta ítölsku!! ég skildi smá :P Svo var keyptur snúningur í aktu taktu og þá vorum við eltar af krípí bíl með strákum í! :( svo var farið í Gravarvoginn og holtið og svo restin keyrð heim... þetta var skemmtilegt kvöld og gaman að stelpurnar að austan gátu komið! :)

ég er að fara í vinnuna eftir klukkutíma og ég er sko EKKI að nenna því! það var svo hundleiðinlegt í gær! Það var nákvæmlega ekkert að gera og ég hélt að tíminn ætlaði ALDREI að líða! Þannig að allir eiga að koma í 11-11 í drafnarfelli á milli 4 og 11 í dag!!!!!!!!!!!!!!! Fjölskyldan úti er enn í fríi og ég er ekkert búin að heyra frá henni :( Kemur ekki heim fyrr en eftir viku 10 daga :( bæjarvinnan tekur svo við á mánudaginn. hvernig gat ég valið svona leiðinlegar vinnur? :/ bæjarvinnan er reyndar ágæt því fólkið er mjög skemmtilegt, og í 11-11 eru viðskiptavinirnir mjög skrautlegir.. en samt, vildi að ég ætti heima í reykjavík. þar er meira úrval á vinnum og MIKIÐ betur borgað fyrir sömu vinnuna og í bæjarvinnunni!!

en allaveg.. ég þarf að fara að fara að fara í vinnuna... :(

Edda

Í dag seldi ég í fyrsta sinn smokka, heyrði sögu um skóburstara í seinni heimsstyrjöldinni sem fékk 2. kr í aukasekt fyrir að tala dónalega við dómarann las örugglega öll tímaritin í vinnunni, gleymdi lessbókinni hjá Mogganum, stal nammi úr nammibarnum, seldi óvenju lítið af sígarettum en mjög mikið af bönunum og fór með næstum alla kassana okkar í bílinn hjá einhverri konu. Viðburðarríkur dagur ekki satt? Hann endar svo á ítalska veitingastaðnum með öllum O-unum á Laugarveginum.
Ciao tutti!

Edda

ég fæ að hafa partý !! víííí!! komin dagsetning og alles ;)

Bara svo þið vitið það ;)

Jæja, það hlaut að líða að því! Ég er komin með Ítalska familíu!! Jeij!!

Ég mun búa í bænum Ivrea sem er þekktur fyrir appelsínuslagsmál! ;) Bærinn er nokkurn veginn á milli Milano og Torino, ekkert langt frá Ölpunum. Ég bý eiginlega alveg í miðbænum með pabba, mömmu og þrem systkinum!

Valentina er erlst, stelpa sem er 23 ára sem býr reyndar ekki heima, en kemur oft heim. Hún vinnur sem talmennafræðingur (speech therapist) og býr alein. svo er strákur sem er 21 og annar sem er 13. Mamman er kennari og pabbinn starfar sem sound engineer sem er svona upptökustjóri virðist mér á myndinni sem ég fékk.

Þetta virðist vera fínasta fólk og ég er rosalega ánægð með þau og eru með alveg sömu áhugamál og ég, en ég hefði nú ekki viljað vera svona nálægt ölpunum :/

Ég veit fullt meira og er komin með myndir, þannig að þið verið bara að koma í heimsókn og sjá ;)

En allavega, ciao, ciao..

já.. nú eru allir bara að stinga mig af! allavega þeir sem ég hef haft mest samskipti við í sumar og svo eru allir hinir of uppteknir tils að tala við mig.. þannig að ég og friðrik höfum það bara notalegt.. ;)


ég er farin að stunda kaffihúsamenninguna með nokkrum útvöldum einstaklingum og mun vonandi og að öllum líkindum fá bílpróf í lok sumarsins :) og svo verður kannski kveðjupartý áður en ég fer.. það er búið að bjóða mér húsnæði til þess, en ég ætla að reyna að blíðka yfirvaldið tils að fá að halda það hér..

Ciao, ciao e a presto, miei amici!!

p.s. ef einhver er ekki búin að sjá spider man 2, er sá hinn sami vinsamlegast beðinn um að hafa samband við mig.. ;)

Jeij! ég er loksins búin að eignast gæludýr! ég á það reyndar ekki, er bara með það í láni í eina viku ;) Þetta er fiskurinn Friðrik. Fyrsta gæludýrið sem ég á eða hef umsjón yfir!! Ég er svo glöð! Best að fara að slökkva á ljósinu hans svo hann geti farið að lúlla sér :) Góða nótt!

A presto
Edda :)

ATH: nei ég á ekki fiskinn..

Sökum þess hvað þið hin eruð löt að blogga verð ég bara að byrja aftur!

Misskilningur virðist hafa farið um, að óförum mínum í Baunalandinu svo hér kemur rétt lýsing á því sem gerðist!

Á sunnudeginum eftir að ég kom út, þann 4. júlí, vorum ég og samferðamenn mínir í bíltúr um svæðið í kring. Þennan dag fórum við til Randers sem er stór bær rétt hjá bróður mínum. Við ætluðum að athuga hvort kastali sem var á leiðinni heim væri opin en svo var nú ekki svo að við héldum heim á leið en vorum ekkert að flýta okkur. Á leiðinni heim er svo hringtorg þar sem við beygjum í átt að Ebeltoft og við þetta hringtorg er bensínstöð. Við þessa bensínstöð er svo svona hoppubelgur. Þetta er ekki svona hoppukastali eins og er á Íslandi og heldur ekki trampólín. Heldur lítur hann svona ( http://www.campingland.dk/vurdering/billund/galleri/hoppepuder.jpg ) út. Nema þessi belgur var mikið hærri! Andreu og Þóri langaði að hoppa á þessum belg og Þórir suðaði líka um það í fyrra. Þar sem við vorum svo ekkert að flýta okkur ákváðu mamma og Íris að stoppa og leyfa þeim að hoppa. Þegar við komum svo inn hjá bensínstöðinni stóð á belgnum að það þyrfti að fara úr skónum. Ekkert annað stóð. Ég hef séð fullorðna hoppa á þessum belg áður (og þegar við vorum í Jesperhus voru tveir fullorðnir kallar að hoppa á svona belg ásamt 20 krökkum) svo ég ákvað að prufa líka og svo belgurinn svo hár, stærri en ég, og ég hafði aldrei séð svona stóran belg. Ég ákvað að hoppa smá með þeim þá þar sem mér finnst gaman að hoppa á svona trampólíni og þau voru að segja mér að koma líka! Ég var reyndar í pilsi þannig að það var frekar erfitt en ég lét mig hafa það og hélt í pilsið allan tíman. Svo þegar við vorum búin að vera að hoppa í smá stund komu tveir krakkar til viðbótar. Ég fór af en fór svo aftur upp til að Íris gæti tekið mynd af okkur öllum þarna uppi. Stuttu eftir þetta heyrðist rifhljóð og bæng!! Belgurinn rifnaði í tvennt, endana á milli, eða réttara sagt hann rifnaði á milli staðana þar sem skórbannaðir búturinn var. Við öll 5 hrundum svo niður um 1,70 m hæð! Ég og Andrea vorum efst uppi, Þórir og strákurinn aðeins neðar og stelpan var enn neðar, því hún var á leiðinni upp aftur, eftir að hafa hoppað soldið niður. Þórir lenti á hausnum og fékk sár auk þess brákaði hann á sér úlnliðinn. Andrea missti andann. Strákurinn gat ekki stigið í ökklan. Ég lenti á mjöðminni og gat ekki staðið upp né stigið í löppina. Svo voru allir í sjokki. og svo kom enginn út frá sjoppunni sem var með þennan belg! Mig verkjaði í löppina alveg niðrí kálfa og upp í bak en var ekki viss um hvort ég þyrfti að fara á "skadestuen" (slysó fyrir ykkur dönskutossa;). En Svo fórum við þangað á endanum því Íris sá að ég var að drepast úr sársauka! Þar fór ég í myndatöku og kom í ljós að ég er tvímjaðmagrindarbrotin, jafnvel þrí því Íris er geislafræðingur og var að skoða myndirnar og fannst sjá þriðja brotið og svo hef ég verið að kvarta undan verkjum í bakinu, ekki brotinu sjálfu! Ég þarf svo að vera á hækjum í mánuð og má ekki stíga í vinstri löppina allan tíman. Ég ætti að losna við þær í byrjun ágúst sem þýðir engin þjóhátið þetta árið!!! :'( og engin vinna heldur :'( :'( En trúið mér þetta er ekki eins alvarlegt og þetta hljómar! í Augnablikinu sit ég meira að segja á vinstri löppinni! En ég get náttla ekki mikið labbað niður LAugarvegin eða verið í Kringlunni mikið á meðan. Þá þarf hjólastól. Við þetta komst ég líka að að fólk horfir ótrúlega mikið á fólk í hjólastól og ég meina ótrúlega mikið, það er með störu!! Ég er svo þakklát fyrir að þurfa ekki að vera föst í hjólastól!! Þetta er ótrúlega pirrandi! Stundum ullaði ég á krakkana sem voru að horfa á mig! :P Þeim fannst það ekkert sérlega fyndið! Svo potaði ég líka í fólk með hækjunum ;) Annað tengt hjólastólum og fólki á hækjum. Fólk ber enga virðingu fyrir fólki í hjólastól eða á hækjum. Ef ég var hoppandi um í görððunum átti ég stundum í erfðileikum með það að reyna að vera standandi því fólk var hreinlega bara að labba mig niður!! Fólk var líka oft að labba fyrir hjólastólinn og svo færði það sig aldrei fyrr en við vorum búin að segja svona 5 sinnum "unskyld" - fyrirgefðu. Og svo hrinti ég einum krakkanum frá því hann ætlaði bara EKKI að færa sig! Ég var reyndar í soldið vondu skapi þá því ég var í skemmtigarð og var föst í hjólastól og frændsystkini mín þrjú (Hjalti Stefán kom með Sigga (bróðir minn sem var á landsmóti á Hellu) út nokkrum dögum seinna) vorum hlaupandi um á milli tækja og við alltaf týnandi þeim! Ég fékk þó að fara í einn vatnsrússíbana :) En ég skil betur samstarfsfélaga hans Hjalta eftir þetta. Fólk er bara ekki að fatta þetta!! Vonandi á þetta eftir að breytast í samfélaginu með hjálp sumarvinnu Hjalta og vona ég að þeim gangi sem best með þetta og ég ætla perónulega að taka mig á og hvet ykkur til að gera það sama! Hvernig væri að skella Davíði Oddsyni í hjólastól og láta hann lifa á örorkubætum í nokkurn tíma? Haldiði að hann mundi meika það??

Annars óska ég bara eftir heimsóknum næstu tvær vikurnar, en boðið komu yðar með símtali áður!!

Edda Ó(happagrí)sk

Þetta er 200aðasti pósturinn og ég ætla að halda upp á það afmæli með því að hætta að blogga !

Veriði sæl!

EDDA

Það er komið trampólín í götuna mína sem allir eiga, þannig að ef þið viljið koma í trambólín partý látið mig vita ! það stendur samt að það megi ekki vera á því ef maður er undir áhrifum? ;)

ég ætla að hætta að blogga...

ég var að átta mig á því að ég er að fara. ég er að fara frá íslandi eftir 90 daga! í kvöld ég var á undirbúningsnámskeiði og þegar við vorum að spjalla saman, við sem förum til Ítalíu þá kom yfir mig svona, "hvað er ég búin að hafa mig út í? á ég ekki bara að hætta við?" en eftir því sem leið á fundinn fannst mér þetta betra.. æjj ég get eiginlega ekki útskýrt þessa tilfinningu sem ég fékk... þetta er.. æjj, sleppi þessu bara. en allavega þá hitti ég hluta af krökkum sem eru að fara út í haust fullt af EmmHáIngum, ég, auður, gígja, ingimar, gaur sem ég man ekki hvað heitir, stelpa sem var með mér í leikfimi, kamma, halla, védís, gaur sem situr uppi (tómas að ég held), stelpan sem tók við mig viðtal hekla eða eitthvað í þá áttina, stelpa sem var í Þýskalandi sem ég er búin að gleyma hvað heitir, tveir gaurar í MH hljómsvetinni Sound of Music og svo örugglega fleiri.. Svo var Elín Arna þarna líka, en ég talaði frekar lítið við hana. þetta var samt bara alveg ágætt sko.. fyrst var svona fyrirlestradæmi svo var skipt í foreldra og krakka og farið í leik og svo tókum við svona "viðtöl" við hvort annað og fluttum fyrir framan alla hina. svo var skriflegt verkefni og svo smá kaffi og svo var skipt í hópa eftir löndum. Auður Sauður var þarna sem sjálfboðaliði og hún var náttla mjög kúl þarna! ;) feministinn ég á ekki von á góðu þar sem mikið karlaveldi ríkir á ítalíu og ítalía og s-ameríku löndin eru erfiðust. þaðan koma flestir heim en ég ætla mér sko ekki að koma heim fyrr en í júlí svo þið skuluð ekki eiga von á mér fyrr en þá!! ;) ég held að þessir undanfarnir postar hafa verið frekar leiðinlegir, ég verð að taka mig til að skrifa eitthvað skemmtó (þetta orð er sett inn sérstaklega fyrir sölva) !!

ég er MJÖG sólbrunnin! hægri öxlinn er öll rauð og ég er byrjuð að flagna smá.. ég held ég hafi líka sofnað smá í heita pottinum í dag þegar ég fór í hann eftir vinnuna, fékk meira að segja smá far þannig að nú er ég bæði með hlírabolafar og svona kross á bakinu eftir bikiníið !! þegar ég vaknaði svo upp frá rotinu í pottinum var ég með hálsríg, mér fannst það fyndið!
Góða nótt!

úff, ég var að komast að því að mamma mín er ekki ENN búin að sætta sig við að ég sé að fara út.. :/ mömmur... hún heldur því grimmt fram að ég muni lenda hjá nauðgara eða barnanýðing. milljónir krakka á mínum aldri, og þá flestir yngir en ég, hafa farið á vegum AFS í gegnum árin. bróðir minn fór út til þýskalands á sama aldri og ég er núna og þá vissi hún ekkert hvað hann var að fara út í, en hún veit nákvæmlega hvað ég er að fara að gera. úff.. ég nenni ekki að blogga um þetta, ég bara veit ekki alveg hvað ég á að segja um þetta, hún bara sér málið ekki frá sama sjónarhorni og ég og pabbi minn sem finnst þetta bara gott hjá mér, okkur tvem langar líka að fá skiptinema þegar ég kem heim því ég held að það verði gaman, en hún er samt ekkert alveg á því.. rosalega geta mömmur verið óþolandi stundum.. :(

Ef einhver langar í gefnis kosningabæklinga frá Vinstri Grænum þá á ég svoleiðis!
Annað sem ég á og þarf að losna við:

Stærðfræði 300 - stæ 103 í flestum framhaldsskólum
Det forsömte for1ar - dan 303 í MH
Andrea elsker mig - dan 103 í MH
7.A - dan 103 í MH
Stjörnurnar í Konstantínópel - (var) kennd í ísl 103 í MH
Íslensk Málsaga - ísl 203
Snorra Edda - ísl 203

held það sé ekki mikill tilgangur í að auglýsa þetta, pósta þetta bara aftur í haust. ég ætla að reyna að koma þessu öllu út svo ég þurfi ekki að selja þær í bókabúð af því ég mun lítið að gera með inneignarnótu frá þeim.. Ég er sem sagt að byrja að fara í gegn um ALLT draslið mitt ef foreldrar mínir skildu flytja á meðan ég er úti. Búin að pakka klarinettinu og nótnastatífinu og fara í gegn um eitthvað af nótunum sem ég er búin að safna síðan ég var í Skólahljómsveit Kópavogs sem var fyrir 200 árum eða eitthvað.. En þetta þýðir að ég muni ekki getað spilað neitt í sumar.. :/ ég læt þá bara píanóið duga.. en það er vinna á morgun.. úff hvað ég nenni ekki í vinnuna á morgun, en ég mun fá símanúmerið hjá Honum Mímí kannski sem ég á samt örugglega ekki eftir að fara að tala við vegna lítillar heimsóknar á kaffihúsið hans í gær, þið vitið hvað ég á við sem voruð meðferðis ;)

En annars er þessi helgi bara búin að vera frábær, eða allavega mjög skemmtileg. Á föstudaginn voru úrslit í American Idol, á laugardaginn var snilldar partý hjá Agli og á sunnudagskvöldið fór ég ásamt nokkrum krökkum niðrí bæ og át nammi. það var nú bara gaman. ég og marta ákváðum þá að fara einhvern tíman í alþingishúsið. bærinn var labbaður í tætlur og svo var bara farið heim, en þetta var gaman samt :) vona að komandi helgar eiga upp að bjóða á það sama. næsta helgi verður skemmtileg vonandi, þá er AFS námskeið og er að fara í leikhús! á föstudaginn verð ég frá 7 til 10 og allan laugar- og sunnudaginn :) á laugardaginn er svo leikhúsið. auður tjáði mér að hún yrði á námskeiðinu að fara að skipa mér fyrir ;) svo er Elín þar líka sem er með mér í söng og var með mér í grunnskóla og allavega þrír EmmHáIngar í viðbót svo ég viti og svo er þetta haldið í Snælandsskóla sem er náttla mikil snilld því ég var þar í grunnskóla, efast að ég muni rata mikið samt þar sem það er búið að breyta MJÖG milku síðan ég var þar. en ég held ég láti þetta nægja, ætla að fara að sofa bráðum bara. góða nótt

EDDA - tambóla til styrktar Rauða Krossinum (sem mun renna beint í bílprófssjóðs Eddu Óskar)

í gær fór ég í afmælispartý hjá Agli, sem varð 19 ára (til hamingju með það Egill!). Ég held ég hafi aldrei farið í eins ja, hvaða orð skal nota, furðulegt? já, ég held það bara, furðulegt partý. Það fyrsta sem fór að segja til um furðulegheitin var að við bökuðum BLEIKAR vöfflur, já við stelpurnar sáum uppskrift af vöfflum og ákváðum að baka! eftir baksturinn er ég viss um að við rötum betur en Egill um eldhúsið hans ;) Svo var horft á Ungfrú Ísland, spilað á hljóðfæri, hoppað fram af svölunum, farið í fótbolta, þar sem ég og Marta rústuðum strákunum ! ;) í byrjum hafði svo verið grillaðir hamborgarar sem ég reyndar missti af :( hvað fleira gerðist. já olbogarnir voru sleiktir, legið í klessu í rúminu hans Egils og bók lesin sem hann fékk í ammælisgjöf, farið í eltingarleik yfir bjór og svo margt margt fleira. niðurstaðan var samt bara mjög skemmtilegt og vonandi verða fleiri partý haldin í sumar, ég sjálf ætla að reyna að halda pottapartý þegar hann karl faðir minn hefur drattast til þess að setja vatn í pottinn!!

Edda - koddaslagur rúllar!